Գործարքի ճշգրտման արդյունքում նախկինում ավել հայտարարագրված հարկի գումարը նվազեցնելու հետ կապված վարչարարությունը պարզեցնելու վերաբերյալ

Ներկայումս շրջանառության հարկ վճարողները գործարքի ճշգրտման դեպքում պետք է ներկայացնեն ճշտված հաշվետվություն այն ժամանակաշրջանի համար, երբ տեղի է ունեցել հիմնական (ճշտվող) գործարքը։ Հաշվի առնելով շրջանառության հարկի հաշվարկման մեթոդաբանությունը, որը հաշվի է առնում ձեռբերված ապրանքների արժեքը, ճշգրտման արդյունքում հաճախ առաջանում են փոխանցվող գումարներ, ինչի հետևանքով հարկ է լինում ճշտել նաև հաջորդ հաշվետու ժամանակաշրջանների հաշվետվությունները։ Սա առաջացնում է անհարկի վարչարարություն հատկապես այն դեպքերում, երբ ճշգրտման արդյունքում հարկային պարտավորությունը նվազում է, այսինքն պետական բյուջեն ոչինչ չի կորցնում։

Առաջարկվում է թույլ տալ ճշգրտվող գործարքների արդյունքներն արտացոլել ընթացիկ հաշվետու ժամանակաշրջանի հարկային հաշվետվությունում, եթե դրա արդյունքում հարկային պարտավորությունը նվազում է։