Յուրաքանչյուր տարի իրավաբանական անձի իրական շահառուի հայտարարագրի ներկայացնելու պահանջի վերանայում

Գործող օրենսդրության համաձայն՝ իրական շահառուի հայտարարագիր ներկայացվում է յուրաքանչյուր տարի՝ անկախ այն հանգամանքից՝ իրական շահառուները փոփոխվել են թե ոչ։ Հայտարարագիրը ներկայացվում է նաև այն դեպքում, երբ ընկերության գործունեությունը դադարեցված է։ Այս պահանջն առաջացնում է վարչարարական բեռ բիզնեսների համար՝ հատկապես այն դեպքերում, երբ ընկերությունը չի գործում և փաստացի հայտարարագիրը ներկայացնելու համար պատասխանատու անձ (այդ թվում՝ տնօրեն) չունի։

Ենթախորհրդի նիստի ընթացքում առաջարկվել է պարզեցնել իրական շահառուի հայտարարագիր ներկայացնելու կարգը՝ սահմանելով,  հայտարարությունը թարմացնելու կարիք կլինի միայն այն դեպքում, երբ կփոխվեն իրական շահառուները։