Շրջհարկ վճարողի կողմից չփաստաթղթավորված ձեռբերումների դեպքում հարկային գործակալի պարտավորությունը կատարելու պարագայում տուգանքի բացառում

Այն շրջանառության հարկ վճարողները, ովքեր չեն պահպանել ապրանքների ձեռքբերման գործարքների փաստաթղթավորման պահանջները և Օրենսգրքով սահմանված կարգով հաշվարկել են եկամտային հարկը, այնուամենայնիվ, ենթարկվում են տուգանքի՝ այդ ապրանքների ձեռքբերման գնի (արժեքի) 20 տոկոսի չափով։

Կրկնակի պատասխանատվության ռիսկը վերացնելու նպատակով առաջարկվում է սահմանել, որ եթե շրջանառության հարկ վճարողը կատարել է Օրենսգրքի 150-րդ հոդվածի 13-րդ մասով հարկային գործակալի համար նախատեսված պարտավորությունը, ապա Օրենսգրքի 406.1-րդ հոդվածի 1-ին մասով նախատեսված տուգանքը նրա նկատմամբ չի կիրառվում։