Միջազգային առևտրի և ներդրումների ֆորումն ացնկացվեց Երևանում

Բացման խոսքերին հաջորդեց ՎԶԵԲ-ի Հայաստանի ներդրումային խորհրդի ղեկավար պարոն Հովսեփ Պատվականյաի հիմնական զեկույցը` «Հայաստանը որպես տարածաշրջանային կենտրոն. առևտրային հասանելիություն, նորարարություն և համագործակցություն» թեմայով: 

Միջոցառումը շարունակվեց պանելային քննարկումներով: Առաջին պանելային քննարկումը՝ «Հայաստան որպես ներդրումային ուղղություն․ Եվրոպայի և Ասիայի խաչմերուկում», համախմբեց առաջատար առաջնորդներ և ձեռնարկատերեր՝ քննարկելու, թե ինչու Հայաստանը դառնում է գլոբալ ներդրողների համար ավելի գրավիչ ուղղություն։ Պանելային քննարկումը համակարգեց Digital Nomad LTD ընկերության ղեկավար պարոն Մեթյու Զեյնը, իսկ մասնակիցներն էին՝ պարոն Ալկիս Վրենիոս Դրակինոսը, ՎԶԵԲ Կովկասի տարածաշրջանի ղեկավար և տնօրեն; պարոն Հիրոկի Տաչիիրին, Tokyo HORECA Chain-ի ղեկավար Հայաստանում; պարոն Մայքլ Կերշբաումերը, Moselle Armenia-ի գործադիր տնօրեն; պարոն Կարապետ Գյումջիբաշյանը, Krisp ընկերության պրոդուկտների ավագ տնօրեն; և տիկին Նազելի Պետրոսյանը, Picsart ընկերության կազմակերպչական արդյունավետության ավագ տնօրեն։ Պանելային քննարկման մասնակիցները կիսվեցին իրենց մտքերով Հայաստանի ռազմավարական դիրքի, բարենպաստ ներդրումային միջավայրի և արագ զարգացող բիզնես ու տեխնոլոգիական էկոհամակարգի վերաբերյալ։

Երկրորդ պանելային քննարկումը՝ «Սահմանից այն կողմ․ Հայ արտադրողների կապը համաշխարհային գնորդների հետ» համակարգեց Պատրիկ Էլիոթը, PA Consulting ընկերության գործադիր տնօրենը, իսկ մասնակցեցին՝ տիկին Զաբել Հայրունին, RARE Water-ի գլխավոր տնօրեն; տիկին Զարինե Ոսկանյանը, VDA Diamonds; տիկին Քրիստինե Վարդանյանը, «Արմենիա Վայն» գործարանի կոմերցիոն տնօրեն; պարոն Արմեն Ղարիբյանը, Արեգի ՍՊԸ-ի գործադիր տնօրեն; և պարոն Արշավիր Մինասարյանը, Wellar Group-ի գործադիր տնօրեն Հայաստանում։ 

Ֆորումը շարունակվեց B2B հանդիպումներով, որտեղ հայկական արտադրողները և միջազգային դիստրիբյուտորներն ու ներդրողները մասնակցեցին ինչպես խմբակային` այնպես էլ անհատական հանդիպումների։ 

Միջոցառումն ավարտվեց 12 տեղական գործարանների այցելություններով, ինչը մասնակիցներին հնարավորություն ընձեռեց անձամբ տեսնել ու ծանոթանալ արտադրական գործընթացներին, և պատկերացում կազմել Հայաստանի արտադրական կարողությունների, նորարարության և բարձրորակ արտադրանքի մասին։

Ընդհանուր ծրագրում ընդգրկված էին նաև մշակութային այցելություններ Գառնի, Գեղարդ, ինչպես նաև այցելություն TUMO ստեղծարար տեխնոլոգիաների կենտրոն։