ՓՄՁ Զարգացման Խորհրդի 31-րդ նիստ`փոխվարչապետ Տիգրան Խաչատրյանի գլխավորությամբ

Նույն հարցի շրջանակներում քննարկվեց նաև Հայաստանի ՓՄՁ մրցունակության 2026–2030 թվականների ռազմավարության նախագծի իրականացման համար նախատեսվող կառավարման կառույցի ձևավորման մոդելը։ Որոշվեց հարցը լրացուցիչ քննարկել ենթախորհրդի նիստի շրջանակներում և դրա արդյունքներով վերջնականացնել ձևավորվող կառույցի մոդելը։

Օրակարգի երկրորդ հարցը վերաբերում էր արտադրական նշանակության հողերի՝ վերականգնվող էներգետիկայի նպատակներով օգտագործումը դյուրացնելու նպատակով մշակված նախագծին։ Նախագծով առաջարկվում է Թույլատրել արդյունաբերության, ընդերքօգտագործման և այլ արտադրական նշանակության հողերում  էներգետիկ նպատակներով օգտագործվող շենքերի, շինությունների կառուցումը և սպասարկումը, որի դեպքում հողամասի նպատակային նշանակությունը փոփոխված է համարվում պարզեցված կարգով։ 

Հարցը ներկայացրեց Խորհրդի անդամ, «Սոցիալ-տնտեսական ուսումնասիրությունների հայկական կենտրոն» հիմնադրամի ներկայացուցիչ Հայկազ Ֆանյանը։ Քննարկման ընթացքում իրենց դիրքորոշումները ներկայացրին նաև ՀՀ տարածքային կառավարման և ենթակառուցվածքների նախարարության ներկայացուցիչները։

Հարցի շուրջ ձևավորվեց դրական դիրքորոշում։ Ամփոփելով քննարկումը՝ փոխվարչապետ Տիգրան Խաչատրյանը հանձնարարեց ՀՀ էկոնոմիկայի նախարարությանը աշխատանքային կարգով շարունակել հարցի քննարկումը՝ հաշվի առնելով նիստի ընթացքում հնչած առաջարկությունները, լրամշակել նախագիծը և սահմանված կարգով ապահովել դրա հետագա ընթացքը։