ՓՄՁ Զարգացման Խորհրդի նոր անդամներ

Փոխվարչապետ Տիգրան Խաչատրյանի գլխավորությամբ գործող ՓՄՁ Խորհուրդը նոր անդամներ ունի:

Փոխվարչապետ Տիգրան Խաչատրյանի որոշմամբ իր գլխավորությամբ գործող ՓՄՁ զարգացման պետություն-մասնավոր երկխոսության հարթակի անդամ են դարձել՝

• Հայաստանի Գործատուների Հանրապետական Միությունը:

• 2B Բիզնես Աջակցության Հիմնադրամը, 

• Իրազեկ Հարկատու Հասարակական Կազմակերպությունը,

Խորհրդի հերթական ռոտացիայի փուլում հայտարարվել է բաց մրցույթ։ Ընտրվել են անդամները՝ հաշվի առնելով նաև ՓՄՁ խորհրդի ընթացքում տեղի ունեցած քննարկումները: 

Հայաստանի Գործատուների Հանրապետական Միությունն ունի  14112 անդամ ընկերություն, ներկայացնելով ՀՀ-ում գործող ընկերությունների մոտ 20%-ը, որոնք ներկայացնում են ՀՀ տնտեսության բոլոր ոլորտները: Նրանց ներքո աշխատում է մասնավոր հատվածի ընդհանուր աշխատողների թվի շուրջ 40%-ը: ՀԳՀՄ միավորում է 32 ոլորտային և տարածքային միություններ, որոնք ներկայացնում են տնտեսության տարբեր ոլորտներ և ՀՀ բոլոր մարզերը:

2B Բիզնես Աջակցության Հիմնադրամը տարեկան աշխատում է ավելի քան 900 գերփոքր և փոքր բիզնեսների հետ՝ ամենօրյա ռեժիմով արձանագրելով  օրենսդրական ու վարչարարական խնդիրները։ Հիմնադրամը տրամադրում է տեղեկատվական նյութեր, կազմակերպում սեմինարներ և ապահովում հետադարձ կապ, որպեսզի փոքր բիզնեսները տեղեկացված լինեն օրենսդրական փոփոխություններին և կարողանան հեշտությամբ կողմնորոշվել։

Իրազեկ Հարկատու ՀԿ-ն աշխատում է 600-ից ավելի փոքր բիզնեսների հետ։ Կազմակերպությունը իրականացնում է սեմինարներ, վարում տեղեկատվական ալիքներ և նպաստում շահառուների իրազեկվածության բարձրացմանը։

Ինչպես նաև, Հայաստանի Հաշվապահների Ասոցիացիա ՀԿ–ին, տրվել է դիտորդի կարգավիճակ, որի շրջանակում կազմակերպությունը հնարավորություն ունի խնդիրներ ներկայացնելու հարթակում։ Հաշվապահների ասոցիացիայի անդամներն աշխատում են ավելի քան 5000 բիզնեսի հետ 12 մարզերում, ամենօրյա ռեժիմով քարտեզագրում են գերփոքր և փոքր բիզնեսին վերաբերելի խնդիրներ։ 

Փոխվարչապետի գլխավորությամբ գործող ՓՄՁ զարգացման պետություն-մասնավոր երկխոսության հարթակի շրջանակներում մասնավոր հատվածը ներկայացնող անդամները ներկայացնում են օրենսդրական բնույթի խնդիրները, իսկ ՎԶԵԲ-ի կողմից ձևավորված IC Armenia-ի իրավաբանների և տնտեսագետների թիմը իրականացնում է փորձագիտական աջակցություն օրենսդրական բարեփոխման համար։

ՓՄՁ Զարգացման պետություն-մասնավոր երկխոսության հարթակի կառուցվածքի մասին ավելին՝ https://icarmenia.am/hy/structure/